3110/2023-2024

Aizawl, 19.12.2023: Vawiin chawhma khan Online a Property Tax pek theihna tur AMC Property Tax Management Software – PTMS chu Aizawl Mayor Office Chamber-ah Aizawl Mayor Pu Lalrinenga Sailo chuan a tlangzarh. Website : property.amcmizoram.com ah lutin Property Tax hi online in engtik lai pawhin a pek theih tawh a ni.

Aizawl Mayor Pu Lalrinenga Sailo chuan mipuite tana Property Tax awlsam zawka pek theih tura ruahman a ni ta chu lawmawm a tih thu a sawi a, mipuiten tangkai taka an hman a duhsak thu a sawi a. AMC in hmasawnna tam tak a nei mek zel a, Property Tax atanga sum lakluh pawh nasa takin a pung zel bawk a ni tih a sawi bawk. AMC Mayor chuan Property Tax chu 15th Finance Commission nawrna avangin classification siamthat a nih tur thu a sawi a; chumi avang chuan mipui chhiah pek tur pawh a pung dawn a, hei hi hrethiam turin mipuite a ngen nghal bawk a ni.

He PTMS tlangzarhna inkhawm ah hian Pu R. Thanglura, Deputy Mayor, Executive Corporators, Corporators leh AMC Official te, Aizawl City Local Council hruaitute leh thuthar lakhawmtute an tel a. Programme hi Er.  Lalhriatpuia, Municipal Commissioner chuan kaihruaiin, Pu K. Vanlalruata Asst. Municipal Commissioner(IT) in Technical Report a pe a, Pu Lalremruata Kullai, Jt. Municipal Commissioner chuan lawmthu sawiin a tin a ni.