515/2025-2026

8th May, 2025 : State Institute of Rural Development & Panchayati Raj (SIRD&PR), Mizoram buatsaih ni 3 (thum) chhung (6-8.5.2025) awh “Orientation Training for Newly Elected Village Councils for Darlawn RD Block” chu SIRD&PR, Mizoram Auditorium - I, Durtlang Leitan-ah vawiin (ni 8.5.2025) khan zawh fel a ni a, kharna inkhawmah hian Leader of Opposition & MLA Pu Lalchhandama Ralte chuan a bial chhunga Village Council Member-te hi 'Interaction Session' hmanpuiin, zawhna leh chhanna hun hman a ni.

He inkawmhona-ah hian Pu Lalchhandama Ralte, MLA chuan VC Member puala inkawmhona buatsaih chu tha a tih thu sawiin, Darlawn RD Block chu Tuivawl constituency chhungah hlawm khata a awm chu a vanneihthlak hle a ni, a ti. VC-te chu Village Council Dan tharin thuneihna a pek belh bakah, chhiah lak kawngah a thuam chak tih a sawi a. Central Ministry hnuaia Panchayati Raj model mil zela tihchangtlun chhoh a nih thu a sawi.

Hmar tlangdung chu Mizoram kawtchhuahpui a ni dawn tih sawiin, "National High pahnihin min pal dawn. Hmar tlangdung landlock tia sawin thin chu tunah hian road alignment tih mek a ni a, compensation kalpui chhunzawm tur a ni. VC Member-te chu mahni leh mahni ram inpek loh tur, nakin lawkah thangtharten in thlan an la rawn hai duh mai ang," tiin duham lo turin a chah. VC-te chu ram peka fimkhur tur leh hmasawnna ngai pawimawh turin a chah a.

Pu Chhantea chuan Tuivawl bial mipuite chu sorkar healthcare-a inziak lut turin a ngen a. MLA leh VC-te buaina pui ber pakhat chu damlote inenkawlna senso phuhruksak a ni, a ti a. A bial chhung VC-te chu khawmpui lian hrang hrang thleng mai tur atan inbuatsaih tur te, faina leh intodelhna kawngah hmasawnna kawng zawh turin a fuih a, duhsakna a hlan bawk a ni.

He Inkawmhona hun hi Dr. Malsawmdawngliani Fanai, Associate Prof SIRD-PR-in a kaihruai a. Dr. Lalhruaitluangi Sailo, Course Director/Sr. Core Faculty, SIRD&PR chuan training report a pe bawk a ni.

Training chhung hian Thupui thlan chhuah 14 hmangin SIRD&PR Faculty-ten zirtirna pein, Darlawn RD Block huamchhung atangin Village Council tin atangin mi 27 he training-ah hian an tel a ni.