India hnam inpumkhatna ni (National Unity Day) October ni 31, 2014 (Zirtawpni) denchhenin Pachhunga University College zirtirtute leh zirlaite chuan kawng an zawh.

Hnam inpumkhatna atana nasa taka beitu Sardar Vallabhbhai Patel-a piancham denchhena National Unity Day (Rastrya Ekta Diwas) chu Pachhunga University College chuan an college platform-ah an hmang a. He ni pual inkhawmah hian College Principal Dr. Tawnenga chuan hnam inpumkhatna a pawimawh thu leh inpumkhat chu hnam chakna leh dinchhuahna a nih thu a sawi. Dr.Vanlaltanpuia chuan Sardar Vallabhbhai Patel-a chanchin chhiarchhuakin, Ms. Vanlalhruaii chuan kalkhawmte hnenah hnam inpumkhatna thutiam (pledge) a laktir a ni.

Hemi pual inkhawm zawh hnu hian PU College atanga College Veng Taxi stand thleng zirtirtute leh zirlai ten kawng an zawh a, kawng zawhtute hian hnam inpumkhatna thuziak an keng hlawm bawk. He kawng zawhnaah hian zirtirtute leh zirlai te an tel kim hle.