1888/2023-2024

Dated Siaha 14th September 2023: Vawiin khan Siaha College Seminar Hall-ah "Family Oriented SEDP 2nd Phase Launching cum Training Programme' hman a ni a, Palak Bialtu MLA Pu KT Rokhaw chu khuallian niin a hmanpui a, Family Oriented SEDP 2nd phase a hawng nghal.

Khuallian chuan tun sawrkar kal mek chu COVID hripui lengin kum hnih zet a tihbuai hnuin vawk hrileng bakah Champhai District tlangdung lirhnghing in a ti buai leh a. Chumi hnuin kan unau Myanmar, Bangladesh leh Manipur lam atangin raltlan sing telin a rawn belh leh bawk a. Hetiang harsatna tam takin sawrkar a chimbuai chung pawhin SEDP 1st phase ah Chhungkaw 60000 in Rs.50000 theuh dawng vek tawhin tun 2nd phase-ah hian chhungkaw 60000 bawk pek leh turin engkim peihfel vek tawh a ni a ti. Tunkar chhungin Beneficiaries-te Account ah a lut tan dawn tih sawiin hei hi thil lawmawm tak a ni, a ti. Tun thla chhungin 3rd phase kalpui leh tur anih thu tarlangin hei hian sawrkar chak zia leh an thutiama an din zia a tilang chiang hle a ti.

A sawi zelnaah Pu KT Rokhaw chuan SEDP hnuaiah cheng nuai thum sem tura tih a nih angin tuna sem hi a tawpna tur a ni lo a, 3rd leh 4th installment thengin beneficiary- te account-ah a lut zel dawn a, cheng nuai thum hi sem ngei ani dawn a ti a. Pilot project-a beneficiaries-te phei chuan cheng nuai thum hi an dawn vek tawh thu a tarlang bawk.

Vawiin 'Family Oriented SEDP 2nd Phase Launching cum Training Programme' hi Pu Lalhmunsanga Hnamte, SEDP Chairman leh District Bawrhsap ni bawk chuan kaihruaiin, Rev.Ch.Chhama chuan hunserh hmanna a nei a. Dr.F Vanlalruata (DVO) chuan 'Technical session' a hmanpui hnuah kawlkhawmte hnenah lawmthu sawina neiin hun a khar a ni.

Family Oriented SEDP Phase-II ah hian hamthatna dawng tur Siaha District atangin mi 2905 thlan chhuah niin vawiin hun hmannah ah hian an kal tha hle a ni.