Sawrkar Laipui a Ministry of Law & Justice hnuaia Committee for Legal Aid to Poor (CLAP) leh Mizoram State Legal Services Authority tangkawpte chuan nimin atangin khan ni 3 chhung awh tur (May 6 – 8) State Level Para Legal Volunteers (PLV) Training chu Youth Hostel (YHAI), Luangmual a an tan a, nimin chawhma khan training hawnna programme an hmang a ni.

A hawnna hun hi Pi Julie Lalrinzami, Secreatary, Mamit District Legal Services Authority chuan kaihruaiin Pu R. Thanga, District & Sessions Judge, Aizawl Judicial District chuan khuallian niin programme a hmanpui. Anni bakah hian Pu L.R. Sailo, Director, IIMC leh Pi Lalnipuii, Chairman, State Women Commission te`n thu an sawi bawk. He hunah hian Mizoram District hrang hrang atangin training turin mi thlan bik te an lo kal a.

He ni thum chhung hian mi thiam tak tak ten dan zirtirna hun an hmang dawn a. CLAP aiawh-in an Team Leader, Mrs Namrata Chadha in thu a sawi bawk ang. State Level Para Legal Volunteers Training hi Mizoram State Legal Services Authority hian February 25-28 2014 khan hlawhtling takin a lo nei tawh bawk.

Attachment

  • Loading attachment...