Vawiin (7th May 2014) dar 10:00 AM khan State level Workshop on Convergence of Mahatma Gandhi NREGS with other Schemes tih chu Aijal Club, Aizawl-ah neih a ni.
He Workshop hi Pu V. Lalsangliana, Director, Rural Development Department chuan a kaihruai a. Pu L. Fanai, Commissioner & Secretary, Rural Development, Mizoram chuan thuchah a sawi. Pu L. Fanai chuan MGNREGS chu mirethei te tana inhlawhna, ei leh bar an zawnna kawnga puitu a ni a. MGNREGS hnathawh turah pawh hian mi harsa ten an chhawr tangkai ngei theih tur hna te thawh a pawimawh thu a sawi. Hnathawhte chu uluk hle turin a chah a. MGNREGS hlawhtlinna tur chuan ‘Convergence’ tha taka kalpui a pawimawh thu a sawi.
He Workshop-ah hian Pi Maria C.T Zuali, Director, SIRD chuan MGNREGS awmchhan leh a tum bulpui te a sawifiah a. Pu V. Lalengmawia, Dy. Secretary, Rural Development Deptt. chuan Mizoram-a Convergence roadmap buatsaih dan a sawifiah a.
Chawhnu lamah Group 4-a inthen a ni a. Fisheries, Soil & Water Conservation, Horticulture & Sericulture Department te nena MGNREGS hmalak ho dan tur chipchiar taka sawiho a ni. He Workshop-ah hian District hrang hranga DRDA Project Director te, BDO te leh Line Department-a officers te an tel kim hle a ni.
