Vawiin chawhnu khan Parliamentary Secretary Pu TT Zothansanga hovin Champhai Helipad thar tur, New Champhai a siam chu a hmunah enfiah a ni. Parliamentary Secretary hi Champhai DC Pu Vanlalngaihsaka bakah PWD leh department dang thenkhat atang Official-ten an tawiawm a ni.

New Champhai Helipad hi hna thawh zawh deuh vek tawh niin, a rem phawt chuan enchhin nan trial landing pawh tih theih mai a nih tawh thu engineer-te chuan an sawi a. A hmang tangkaitu tur mipui te tan tuna helipad thar chu a remchan zawk ngei tur a rin a ni. Tun dinhmunah hian District dang nen khaikhin in Helicopter Service hmanga Aizawl leh Champhai inkar kal hi a tam ber pawl an ni.