Vawiin chawhnu khan 1st All India MIRME Cup Taewondo Demonstration Championship April ni 5 – 8, 2016, Gujarat a neih zawh tak a Champion Team, Mizoram atanga kalte lawmna programme chu Electric Veng YMA Hall-ah neih a ni a, Parliamentary Secretary Pu Hmingdailova Khiangte chu khuallian niin a hmanpui.

Khuallian Pu Hmingdailova Khiangte chuan MATA (Mizoram Ameteur Taekwondo Association) hruaitute chungah lawmthu sawiin, mitak leh mihring chhawrtlak a naupang chherchhuaktu leh nunkawng kawhhmutu in ni hi ka chhuang tak zet che u a ti a; kan ram hian moral reforms lamah tan lak kan ngai a ni tiin kalkhawm naupangte hnenah theihtawpa hmasawn zel turin leh invawng turin a fuih. Tunah hian sorkar chuan thalaite hmakhua ngaiin sports discipline hrang hrang infrastructure tihchangtlun chu a thil tum pawimawh ber te zinga mi niin, Indoor stadium kan neihte hmang tangkai zel turin players te a chah. He programme a nu leh pa hnenah pawh an fate tuinaah tawiawm thin turin a chah bawk a ni. Khuallian hian pangpar thi leh certificate a sem nghal a ni.

Champion Team te hi Sport and Youth Services (SYS) Academy, Chawnpui Taekwondo Club leh Armed Veng South Taekwondo Club ten lawmpuina leh chawimawina pangpar an hlan theuh bawk a ni.

Programme-ah hian Champion team leader Tv. Dominic Rozamliana leh Nl. Rosangpuii Hmar te’n report an pe a; Champion No mawi leh Cheque 1,51,000/- an dawn bakah Team leader Dominic Rozamliana’n second best performance award Cheque 15,000/- leh Cash 5000/- a hawn bawk a ni.

Programme hi MATA President Dr. Rualkhuma Colney in kaihruaiin, MATA Executive Member Pu R. Lalrinmawia’n lawmthu sawina hun a hmang bawk.

Champion Team player te:

1. Dominic Rozamliana Tuikual/SYS (Team Leader)

2. Angela Lalremruati Electric Veng/SYS

3. Zohmingthanga Bilkhawthlir/SAI

4. Albert Lalrinfela Serchhip/SDATA

5. Francis Lalnunhlima Armed Veng/AVSTC

6. NS Muani Electric veng/ATA

7. Lalsangpui Chawlhhmun/SYS

8. Laltanpuia Chawnpui/CTC

9. Alban Lalfakawma Electric Veng/SYS

10. Reshi Raj Tamang Thuampui