Vawin khan Pu KS Thanga, Parliamentary Secretary for Finance Planning & Programme Implementation, etc chuan Mizoram Building & Other Construction Workers Welfare Board leh Central YMA tangdun in an buatsaih, 'Cement Mistiri Training', Sateek Community Hall-a neih chu a hawng. He training hian November ni 30, 2016 thleng a awh ang.

Training hawnna inkhawmah hian Parliamentary Secretary chuan thalai thehnem tak tana training hlu tak buatsaih ani chu lawmawm a tih thu leh, training buatsaihtute hmalakna chu fakawm a tih thu a sawi a. Ram leh hnam hmangaihna thinlung atanga he training hi buatsaih a ni tiin, chutiang rilru pu chung a trainees te pawhin taimakna leh tumruhna nen an beih a ngai a ni, a ti a.

Pu KS Thanga chuan trainees kalkhawm te chu inngaihtlawmna rilru nen hna thawk a, taimakna nunpui chung a tumruhna, thuawihna leh inpekna nena mahni chhungkua, khawtlanga leh ram chawisangtu an nih ngei a beisei thu a sawi a ni.

Vawiina tan Cement Mistiri training hi Aizawl South III Consituency huam chhung tan a ni a, khaw hrnag hrang atangin mi sawmnga training tur hian thlan chhuah an ni.

Attachment

  • Loading attachment...