Vawiin khan Pu KS Thanga, Parliamentary Secy, Finance etc., Aizawl S-III constituency bialtu MLA ni bawk chuan Sateek a St. Francis de Sales School building thar a hawng.

He hun ah hian Pu KS Thanga chuan khawchhung leh thenawm ten chhawr tangkai theih tur Catholic Missionaries ten school tha tak mai an din chu lawmawm a tih thu a sawi a. Sateek khua leh a chhehvel chu inkalpawhna kawng te a that tawk loh avangin zirna lamah school tha an ban phak lo em em thin a. Tuna school siam anih takah hian zirna lamah rualpawl tir tu ah a siam ngei a rin thu a sawi a. Kum tlemte liam taah khan ka bial chhung hi inkalpawhna kawngpui lamah harsatna lian tak kan tawk thin a, 2008 ah sorkarna a lo inthlak khan Chief Minister chaktak kaihhruaina hnuaiah World Bank te nen tangdun a hmalakna chak tak avangin tunah chuan inkalpawhna kawngpui tha leh chhawr nahawm tak kan nei ta hi Sorkar chung ah pawh lawmthu ka sawi takzet a, he thil hian hmasawnna dang pawh min la pe zel ang tih ka beisei tlat ani.' ati bawk.

Vawiin school building hawn tak hi Tomah, Queen of Apostles leh St. Patrick's, Onalaska Lacrosse Diocese USA ten an sponsor a ni a, chhawng hnih awmin, feet 100×36 bial a zau a ni.

School hawnna inkhawm hi NE Province enkawltu Provincial Father George chuan kaihruaiin, Parish Priest/ Headmaster Father Linjeesh in technical report a pe a. USA atangin sponsor tute atangin puithiam pasarih an lo kal bawk a ni.