Vawiin chawhnu dar 4:30 khan Sihhmui-a Cricket Association of Mizoram (CAM) in cricket stadium an sak mek chu Parliamentary Secretary Pu Lal Thanzara chuan a tlawh. He Stadium sakna tur hian Ministry of DoNER atangin CAM hian cheng vaibelchhia 11.2 an hmu a; he pawisa hi NGO an nih anga thawh theih anih loh avangin Mizoram State Sports Council chuan hna hi an enkawl a ni. Tunah hian field laih zawl hna chu thawhzawh a ni tawh a. Gallery 4 leh official gallery sak mek a ni.

CAM chuan he Stadium hi season thara cricket khelhna tura hawn hman an tum a, a ball vawm na lai tur (Pitch) ah hian grass ching turin an in buatsaih mek a ni. He field kualchhuaka tuihawk luankawr siam dan tur te, field min zel tur danna tura retaining wall siam dan tur leh an hna thawh hmabak te chhunzawmna tur sum ngaihtuah pui turin CAM hotute chuan Pu Lal Thanzara hi an ngen a. Parliamentary Secreatry chuan PWD hotute nen sum senso ngai tur leh hna pawimawh hmasa te chhutchhuah fel hmasak a, sum awm thei ang te dap pui a tum thu CAM hruaitu te hi a hrilh a ni. Parliamentary Secretary hi PWD Chief Engineer leh engineer dangten an tawiawm a ni.