Vawiin khan Parliamentary Standing Committee on Rural Development, Mizoram tlawha rawn zin mek te chuan Mizoram hmun hrang hranga Central sawrkar scheme hnuaia Rural Development Department leh PHE Department hnathawh leh hmalaknate enfiahin field visit an nei.

Parliamentary Standing Committee on Rural Development Chairman Dr. Ponnusamy Venugopal hovin MP pakua (Lok Sabha MP-5 leh Rajya Sabha MP-4) te chuan Melriat, Kelsih, Tachhip, Aibawk, Lungsai, Maubuang, leh Hmuifang te tlawhin heng khuaa NERLP (North East Rural Livelihood Project), MGNREGA (Mahatma Gandhi National Rural Employment Guarantee Act), SPMRM (Shyama Prasad Mukherjee Rurban Mission), SBM-G (Swachh Bharat Mission –Gramin), PMGSY (Pradhan Mantri Gram Sadak Yojana), PMAY-G (Pradhan Mantri Awas Yojana –Gramin), IAY (Indira Awas Yojana), NRDWP (National Rural Drinking Water Programme) leh PMKSY (Pradhan Mantri Krishi Sinchayee Yojana) hnuaia hnathawh leh hmalaknate a hmunah enfiahin khawtlang hruaitute an kawm nghal a. Rural Development leh PHE Department ten heng scheme hrang hrang hnuaia kawng, side drain, footpath, Sanitary complex, Masonry Step, Collection center, semi-aerobic landfill, retaining wall, water reservoir siam, Self Help Group, PMAY hnuaia in an sakte leh hnathawh dangte enfiahin department hotute nen an inkawm nghal a ni.

Parliamentary Standing Committee on Rural Development, field visit a kal te hi Chairman  Shri P. Venugopal MP, Shri Jugal Kishore Sharma MP, Shri Prahlad Singh Patel MP, Dr. Yashwant Singh MP, Shri Ladu Kishore Swain MP, Shri Javed Ali Khan MP, Shri Mahendra Singh Mahra MP, Shri A.K Selvaraj MP, leh Shri A.V Swamy MP te an ni a. Field Visit-ah hian Rural Development Secretary, Aizawl DC, leh Rural  Development Department, PHE Department leh SBI hotuten an tawiawm a ni.

Field Visit zawhah hian Parliamentary Standing Committee on Rural Development te chuan Mizoram sawrkara department hrang hrang hotute nen Assembly Conference Hall-ah meeting an nei zui nghal a ni.