Serchhip Distrcit chhunga Chhiahtlang leh Keitum khaw Village Defence Party (VDP) te hnenah, hna an thawh that avanga chawimawina hun Pu Lalringdika, MPS, Superintendent of Police Serchhip chuan a office ah vawiin chawhnu dar 3:00 khan a nei. 

Pu Lalringdika chuan District hrang hrang zinga VDP nei tha ber pawl kan niin ka hria a, VDP te hi Police te thlen phak lohna hmunah te awm in, khawtlang venhimna hna chak takin an thawk a , an hlu a ni, a ti a. Police te tan kut-ke pawimawh tak an ni a ti. VDP hi Police hriatpuina nena din an nih thin thu te, an hnathawhte pawh Police Department in a hriatpui thin dan te, an chet velna report pawh Police hnena an thehluh thin thu sawiin, an report te chu tun aia fel fai zawka thla kipa theh lut thin turin a ngen nghal a ni. 

Superintendent of Police, Serchhip hian Chhiahtlang leh Keitum khaw VDP te hnenah hian chawimawina thuziak leh Rs. 2000 a hlan a ni. 

Serchhip District ah hian VDP Unit 30 a ding mek a, heng unit te hian anmahni huam chhungah theuh tha taka thawkin Police te tha takin an thawhpui thin a ni.