Pu P. Chidambaram, Union Home Minister chuan vawiin Dt 5th April 2012 hian Damdiai leh Tuipuibari khua te Helicopter-in a tlawh.

Pu P. Chidambaram, Union Home Minister hi Suarhliap Helipad-ah Mamit District Bawrhsap Pu Rodney L Ralte IAS leh Mamit-a Head of Offices ten lo hmuakin District aiawhin District Bawrhsapin pangpar a hlan a, hemi zawh hian Home Minister chuan Motor in Damdiai khua a pan a ni. Damdiai khuah hian Home Minister hi a khawnawta lo hmuakin chawimawina pangpar an lo hlan a ni. Damdiai khua-a amah lo hmuahna inkhawm buatsaih Pu Rodney. L Ralte IAS, District Bawrhsap kaihhruaiah Home Minister chuan a mah an lo lawm avanga lawmthu a hrilh a. Thusawiin Tripura Camp-a la awm chu lo chho ve thuai tura ngenin hemi kawnga mi pahnih khat in harsatna an siam pawh ngai pawimawh lo turin Bru kalkhawm te chu a chah a. Zoramah khua leh tui tha taka awm tur leh Sawrkar hmalakna a theih ang ang a tawiawm turin a chah bawk.

He hunah hian Pu Elvis Chorkhy, General Secretary, Bru Co-ordination Committee Hqrs Damdiai Village pawhin thusawiin Bru lo kir ten harsatna an tawh leh an duhdan te tarlanna Memorundum Union Home Minister hnenah hian a hlan nghal bawk a ni.

Union Home Minister chuan vawiin vek hian Tuipuibari tlawh nghal in Tuipuibari-a Bru lo let leh te nen inkawmna hun an nei a, hemi zawh hian BSF hotute a kawm nghal bawk a ni.