Nimin khan Lunglei HPC Vice Chairman Pu S. Laldingliana leh Lunglei MJA Member te’n Phaileng ‘S-a Tlangdung hmun chu thlawtheihna tum hmun atan a tlak leh tlak loh an enfiah.

Khawtlang hruaitute nena inkawmna hun hmangin Pu S. Laldingliana chuan India leh chhim-chhak ram te inlaichinna thang zelah in kal pawh tawnna a pawimawh chho zel a, Kaladan Multi Modal Transit Transport Project chu kalpui mek in, rel kawng te sial mek ni mahse, Mizoram chhim lama airport neih hi zin mi te tan leh ral laka inven nan a pawimawh dawn a ni, a ti. An enfiahna atang hian department dang te rawn in, hman tlaka an ngaih chuan Aviation lama hotute hnenah a aia nasa zawka survey nei tura hriattir an tum thu a sawi a. Thlawhtheihna tumhmun tur zawng hian Mizoram chhim lamah nasa takin hmun 7-ah lai an lo enfiah tawh thu a sawi bawk.

Thlawhtheina tum hmun tura enfiah tlangdung hi Phaileng S chhim lam atanga km 2 vela hla a ni a. Hnahchang rama Zotlang, Ralvawngtlang, Denlung, Thiltlang leh Leite ten an hual a, Darzo tlang a hla vaklo bawk a ni. A dung hi km 1.5 vel ni a rin a ni a, a tlangdung hi zawl duai a nilo a ni.