2221/2026-2027

Kolasib, 15th September, 2026: Mizoram State Sawrkar Notification No. B. 12021/10/2004-TRP dt. 01.06.2020 leh Section 115 of Motor Vehicle Act 1988 (Act No. 59 of 1988)-in thuneihna a pek angin Kolasib Superintendent of Police, Pu Lalrinpuia Varte chuan lirthei chet vel dan turah a hnuaia mi ang hian thupek a chhuah.

Sr. EE, PWD, National Highway Division – III, Thingdawl hnen atanga ziaka kawng block dilna hmuh a nih angin, September ni 12, 2026 a ruahsur nasat avanga Phaipheng Leilet leh Bilkhawthlir inkar NH-06 kawngpui a tlakbal avangin eng lirthei mah helai kawngah hian a tlang thei lova. Mizoram PWD ten chak zawka kawng siam hna an thawh theih nan September ni 16, 2026 atanga September ni 23, 2026 chhung hian helai kawngpui Km. 137.250 NH-06 hi lirthei zawng zawngte tan khar (block) a ni ang.

He thuchhuah chungchanga harsatna neite chuan IC Bilkhawthlir OP (Ph. No. 9862316186) ah biak theih reng a ni.

He thupek zawm lote chu Section 179 MV Act hmanga hrem an ni ang.