1018/2026-2027

16th June, 2026: Vawiin khan PHE Minister Prof. Lalnilawma chuan kum 2026 a MPSC buatsaih Mizoram Engineer Service (MES) exam-a tling thar mi pasarih (7), PHE Department a thawkte lawmpuina leh infuihtharna neih pahin a pisaah thingpui a in pui.

Minister chuan Engineer te hi Department mai bakah Mizoram hmasawnna lungphum an ni, a ti a. MES officer thar te chu mipui ta an ni a, an hnathawh leh hmalakna apiang mipui leh ram hmansawnna atan ni zel rawh se, tiin a fuih.

Officer thar te chu mi dangte tanpui duhna thinlung pu turin Prof Lalnilawma chuan a chah a. Mipuiin an mamawhnaah chuan theihtawp an chhuah a, a tul anga mipui tanpui thei tura kawng an zawn zel a ngai a ni, a ti. Sawrkar kutke an nih avangin rinawm leh taima takin hna an thawh a tul a, khawi hmunah pawh awm se, an awmna hmun apiangah theihtawp chhuah turin a Minister chuan a fuih a nj. Transfer and posting ah buai lo tura chahin hmun harsa leh kilkhawr ah pawh awm se, achievement tha tak neih tum turin a chah a. Sawrkar in a dahna apiang ah phur taka kal zel a pawimawh a, khawi hmunah pawh awm thei tur leh rinawm taka hnathawk thei turin an rilru siam se a duh thu PHE Minister Prof Lalnilawma chuan a sawi a ni.

He hunah hian Pi Zodingpuii, IAS, Secretary, PHED; Er.Zodinthari, Engineer In Chief, PHED leh PHE Department-a senior officer te an tel a ni.