Lunglei-a cham mek PHE Minister Pu Zodintluanga chuan vawiin khan Lunglei D.C. Pu Ashish Madhaorao More, IAS nen Lunglei Circuit House Conference Hall-ah inkawmna hun an nei a ni.

Minister Pu Zodintluanga chuan Lunglei D.C. hna a rawn zawm tharah Pu Ashish More chu duhsakna a hlan a, Lunglei District huamchhunga sorkar hmalakna hrang hrangah thawhhona tha tak an neih theih ngei a beisei thu a hrilh a ni. Thorang Wildlife Sanctuary ram chhunga khaw pahnih - Kawnpui West leh West Darngawn - sawnchhuahna tura compensation chungchang kalpui mek chu D.C. hovin Revenue officials ten uluk zawka enfiah leh turin a chah nghal a ni.

Vawiina PHE Minister meeting kovah hian Lunglei DC hi Addl. DC Pu Lalhmachhuana, SO Pu K.Laltlawmlova, DIPRO Pi Mina Zoliani leh Revenue Department officials ten an tawiawm a ni.

PHE Minister Pu Zodintluanga chuan vawiin chawhma vek khan Lunglei Circuit House Conference Hall-ah SSA leh RMSA hotute nen inkawmna hun an hman bawk a ni.

Attachment

  • Loading attachment...