Vawiin khan PHED Minister Pu Zodintluanga leh State Swachh Bharat Mission (Gramin) Commitee memberte Minister pisaah an thukhawm a, Swachh Bharat Mission (Gramin) hnuaia hmalakna kal mekte leh hmalak chhunzawm danturte sawi hona hun an hmang.

He thutkhawmnaah hian 2018-19 chhung a Solid & Liquid Waste Management Mizoram khaw 314 a kalpui dan turte sawiho a ni a, District leh State level a bawlhhlawh tawih theilo sawngbawl leh sarang leh plastic hman nawn a nih theih nan a ruahmannate thlir ho a ni bawk. Mizoramah bawng vulh kan tamloh avangin Sawrkar laipui Bio-gas programme GOBAR-DHAN kalpuinaah bawlhhlawh tawih thei leh eitur bang ningnawite chu bio-gas atan hman theih dan tura ruahmanna te sawi ho a ni. Open Defecation free puan a nih hnua hmalak chhunzawm danturte leh khaw tina Swachhagrahi/Sanitation Motivator dah chungchangte sawiho a ni bawk.

He meeting ah hian PHED Minister Pu Zodintluanga, PHED Commissioner & Secretary Pu K.T.Beicho te leh State SBM(G) member PHED hotu hrang hrangte an tel a ni.