Vawiin khan Pi Lalbiaksangi District Bawrhsap chuan Bairabi lei dawh hna kal mek chu a hmunah a tlawh.
He Lei dawh hna enkawltu ABCI aiawhin Project Manager Pu Bishwajit Chando chuan Bairabi Lei dawh mek chu January ni 15, 2017 hmain staging chu thawh zawh hman beisei a nih thu sawiin Shuttering hi February ni 5, 2017 hmain zawh hman tum a ni bawk a ti. Concrete chhun hna hi stage thum a thawh tur niin March ni 25 , 2017 hmain zawh hman beisei a nih thu a sawi bawk. Project Manager hian tul dang zawng zawng pawh April thla chawhnu lamah chuan zawh ngei ngei a beisei thu sawiin hun tiam chhung hian Motor eng chi pawha zawh tura an in peih hman a beisei thu a sawi bawk ni.
Pi Lalbiaksangi, Mamit District Bawrhsap chuan Mamit District tana kawng pawimawh tak Bairabi Lei dawh hna kal mek chu dawh zawh hun tura ruahmanah zawh hman a nih ngei theihna turin a zing thei ang bera a tlawh tur thu leh hna kal mekah harsatna awm theite pawh sutkianpui a in huam thu sawiin inpawh tlang taka thawkho turin hnathawk tute hi a ngen a ni.
Pi Lalbiaksangi, Mamit District Bawrhsap hi Pu H. Lianzela Addl D.C, Pu Paul Rokima DIPRO leh Pu Vanlalhmachhuana SDC, Mamit te chuan an tawiawm a ni.
