Ni thum chhung awh PIC Tuidam, Mamit District a neih chu vawiin khan Pu John Rotluangliana, Minister, Food Civil &Consumer Affairs etc. chuan khuallian niin a hmanpui.
Khuallian Pu John Rotluangliana chuan sorkar laipuiin mipuite tana hmasawnna leh hamthatna hrang hrang a duan te Tuidam mipuiin ni 3 chhung zirchianna hun an nei chu vannei a tih thu a sawi a. Prime Minister Modi-a hmalakna langsar tak pakhat chhungkaw tin ten Bank account a thlawn a hawn theih a ni chu lawmawm a tih thu sawiin chhungtin te chu Bank account nei theuh a an sum thawh chhuah sa te khawl nachang hre turin mipuite a chah a, faina kawngah pawh kan thlen chin atanga hmasawn tur kan ni tih in hre thar a tan la theuh turin a chah bawk.
Minister chuan ei leh bar lama Mizoram dinhmun tlangpui sawi langin tun dinhmunah rail a buhfai kan lakluhna thin tihtawp a nih rih avangin Guwahati atangin motor a lak luh a ni a, hei vang hian Mizo mipuite kan lakluh leh thar chhuah a in mil rih loh avangin renchen theih ang a kan khawsak a ngai a chubak a thar chhuah lamah tan kan lak thar leh a ngai a ni a ti. PIC chhimtu mipuiten an tangkaipui ngei a duhsak thu a sawi.
He hun hi Pi J.H. Lalparmawii MIS, IPRO Mamit District chuan kaihruaiin hnam lam chi hrang hrang leh PIC neih a nih chhan te Pu Mangjangam Touthang, IIS, Chairman Core Committee PIC Mizoram a hrilhfiah a ni.
Chawhnu lamah technical session neih a ni a hetah hian education lama sorkar hmalakna thar te leh Digital India, Making in India etc. tih Prime Minister in kan vaiin hmasawnna lamtluangah tih thupui hmang a hmalakna a chhawpchhuah hrang hrang te zir hona neih leh a ni. PIC Tuidam a neih hi vawiin khan khar a ni a. Kawrtethawveng leh Darlak ah PIC a theih anga kalpui a ni bawk.
PIC neih chhung hian Directorate of Health & Family Welfare in Health Camp te an siam a anni bakah hian Department hrang hrang ten an hmalak tawh na te an hmalak mek te thlalak hmangin an pholang bawk.
