Vawiin chawhma khan Planning & Programme Implementation Department Conference Hall ah Mizoram State Planning Board hnuaia din Planning board monitoring & surveillance committee leh Socio Economic Development Programme a board Vice Chairman te an thukhawm.
Vawiin thutkhawm hi Pu H Rammawia, Vice Chairman, Mizoram State Planning Board in kaihruaiin SEDP board hrang hrang Vice Chairman te an tel a, heng board hnuaia hmalak tawhna te leh hmachhawp awm te ngaihthlak a ni. He thutkhawm a tarlan danin SEDP board kaltlang hian hmalakna kalpuina turin project engemawzat siam a nih tawh thu leh Sawrkar laipuia bawhzui ngai awm te pawh bawhzui tur a peihfel a nih tawh thu Vice Chairman kalkhawm te hian an sawi a ni.
Pu Liansuama, Member, MSPB chuan kalkhawm te lawmna thu sawiin Planning Board Monitoring & Surveillance Committee chu SEDP board hrang hrang te hmalakna enpuitu tur pawimawh tak a nih thu a sawi a, Board hrang hrang Vice Chairman te hmalaknaah lawmawm a tih thu a sawi bawk a ni.
Socio Economic Development Programme hnuaiah hian SEDP Development board 14 a awm a, chung te chu Bamboo Link Road Board, Bamboo Development Board, Agriculture Development Board, Rubber & Allied Development Board, Horticulture Development Board, Veterinary, Fishery & Sericulture Board, Social Rehabilitation Board, Health & Family Welfare Board, Road & Infrastructure Development Board, Land Revenue & Survey Board, Manpower Development Board, Sports, Youth Affairs & Tourism Development Board, Industrial Development Board and Human Resource Development Board te an ni.
