2353/2022-2023
Aizawl, the 17th October 2022: Planning & Programme Implementation Department buatsaihin vawiin khan Business Summit, 2022 chu RB McCabe Hall, Aijal Club ah neih ani a. He summit ah hian Pu Vanlalhuma, Ambassador of India to Slovakia leh Pu Vinay Kumar, Ambassador of India to Myanmar te chu khualtha a ni.

He hunah hian Pi Lalsangpuii, Additional Director, Commerce Wing, Commerce & Industries Department chuan Mizoram a industries leh tourism dinhmun tlangpuite leh kan harsatna te sawiin, ram dang te nena thawhhona tur kawng hrang hrang awm thei te a tarlang a. Dr Robert Lalrinsanga, Deputy Director, Directorate of Horticulture in kan ram thei leh thlai hrang hrang chungchanga hmalakna leh hmabak la awm te a tarlang bawk a ni.

Entrepreneurs aiawhin Pu Mark Lalduhsaka, Executive Director, One Organic Partnership chuan entrepreneurs ten an zinkawng a an harsatna tawh tlangpui te leh an hmalakna hrang hrang te a sawi a. Zawhna leh chhanna hunte hman niin hlawkthlak takin sawihona neih a ni.

Pi Esther Lal Ruatkimi, Principal Secretary to the Govt, of Mizoram, Commerce & Industries Department, Pu Lalmalsawma Pachuau, Secretary to the Govt, of Mizoram, Planning & Programme Implementation Department te leh Department Officials te bakah Mizoram a startup leh entrepreneurs thahnem tak an tel bawk a ni.