No.2514/2021-2022
Aizawl, the 7th October, 2021: Covid-19 dona tura PM Cares Fund atanga Oxygen siamchhuahna khawl (Oxygen Plant) District Hospital Hnahthial-a bun chu vawiin chawhma dar 10:15 khan Hnahthial District Additional Deputy Commissioner Pi Saizikpuii'n dam lo ten tangkai taka an hman turin a hawng. He hunah hian Er. Vanlalhnema, EE, P&E Lunglei Division bakah khawtlang hruaitu leh chanchinbu mi sawm bikte an tel a ni.

PM Cares Fund for Oxygen Plant hawngtu Pi Saizikpuii chuan he Oxygen Plant hi Covid-19 dam lo piah lamah dam lo oxygen mamawh tan pawh a tngkai hle dawn a, dam mamawh apiang ten an khuma oxygen an hip theih tur District Hospital Hnahthial in kan nei ta hi a lawmawm hle a ni tiin lawm takin a hawng a ni.

Techincal Report petu Dr. Lalrengpuii Ralte Medical Officer chuan Covid dona atan Prime Minister atangin PSA Medical Oxygen Generation Plant kan dawng hi kan lawm hle mai a, India ram pumah plant 1215 bun a ni a, July thla atang khan PM Office atangin an rawn buaipui tan a, Hnahthial District a bun tur hi September ni 25 khan a rawn thleng a, unload a nih hnuah engineer ten hman theih turin an thawk nghal char char a, Thawhtanni zing dar 3:00 khan hman theiha peih a ni a, hemi hlawhtlinna atan hian Mizoram Chief Secretary chuan theih tawp a chhuah a, a chungah pawh kan lawm hle a, Power & Electricity Department lamin 250kV tansfomer min rawn fit sak bawk a, an chungah pawh kan lawm tak zet a ni tiin Oxygen Generation Plant hian minute khatah Oxygen litre 250 siam chhuak thei dawn niin a sawi bawk.