2396/2024-2025

Aizawl, the 5^th October 2024 : Vawiin khan Prime Minister Shri Narendra Modi chuan Washim Maharashtra atangin kuthnawktute tuam hlawmna scheme pui ber nia a ngaih PM Kisan hnuaia 18^th Instalment sum chu kuthnathawktu mi vaibelchhe 9.4 chuang hnenah Direct Benefit Transfer kaltlangin a semchhuak a. He hamthatna dawng zingah Mizoram a kuthnathawktute (farmers) mi 1,10,279 pawh telin, an hnenah a vaiin cheng vaibelchhe 31.6782 semchhuah a ni a, an account a DBT kaltlangin a lut a ni. Hei hi kum 2024 chhunga 2^nd installment a ni.

Mizoram atangin pawhin he programme hi online in Pi Ramdinliani, Special Secretary, Agriculture & Farmers Welfare leh Director, Additional Director, Joint Director, Agriculture & Farmers Welfare Department ten an zawm a. District tin a District Agriculture Officer (DAO) te pawh online in he programme ah an tel  bawk a ni.

PM Kisan hi kum 2019 atanga bultan niin khawvela kuthnathawktute puala DBT kaltlanga hamthatna lian ber nia sawi a ni a, Digital Marvel lian ber tih a ni bawk. He scheme-a in ziaklut te chuan thla li danah cheng 2000 zel dawngin a vaiin kum khatah cheng 6000 an account ah Direct Benefit Transfer hmangin an dawng thin a ni.

Tunah hian farmers te details chhuichhuah theih loh leh, chinfel ngai leh paih ngai tam tak hmuhchhuah mek a ni a. Dawng tlak ngei te, la in register lo tan in register thar theih reng a ni bawk a. Hrechiang duh chuan mahni awmna District Agriculture Office hrang hrang ah leh Directorate of Agriculture & Farmers Welfare hnuaia Project Monitoring Unit- PM KISAN ah te office hun chhungin  zawhfiah leh ngaihven theih reng a ni.