No.4365/2021-2022

Aizawl 22nd March 2022: Vawiin khan Urban Development & Poverty Alleviation Department hnuaia Pradhan Mantri Awas Yojana (Urban) : Housing For All 2nd Detailed Project Report angin Aizawl khawchhungah Zone 4 a inthenin Sensitization Programme neih a ni a. Ramhlun Indoor Stadium ah Pu H.Lianzela, Director, UD&PA Deptt. in hun a hmanpui a, Republic YMA Hall ah Pu HVL Zarzoenga, Joint Director (Plan), UD&PA Deptt. in hun hmanpui thung. Central YMA Hall ah Pu Andrew Lalhruaia, Deputy Director (Plan), UD&PA Deptt in hun a hmanpui a, Vaivakawn YMA Hall ah Pu VL Nghahmawia, Research Officer, UD&PA Deptt in hun a hmanpui a, beneficiary te hriattur leh tih tur hrang hrang an sawi a ni.  

Sensitization Programme ah hian beneficiary mi 1131 koh khawm an ni a. PMAY (U) : HFA Scheme kalphung in hrilhhriatna neih niin, he Scheme hi hlawhtling taka a kal theih nan hriat tur hrang hrang : insak dan turte, sum semchhuah dan turte leh Geo-tag hmanga insak vil dan tur te inzirtirna neihpui a ni. Heng bakah hian Grant-In-Aid Undertaking (intiam kamna lehkha) semchhuah a ni bawk.

Central Sawkarin Mizoram Sawrkar fund cheng vaibelchhia 46.56 a pek chu March, 2022 khan Department of Urban Development & Poverty Alleviation hnenah Mizoram chhunga in sak tanpuina hman tur atan a rawn chhuah (release) a. Aizawl ah hian 2nd DPR ah mi 4867 awmin, heng zingah hian beneficiary 3252 te chu MIS a thunluh (enter) fel tawh te an ni. Heng beneficiary mi 3252 MIS a thunluh fel tawh te tan hian cheng nuai 1951.2 a rawn release a. Tunah hian Beneficiary mi 3252 zingah hian 1131 Geo-tag tih fel tawh te hi serial indawt dan a koh an ni.   

Hemi bakah hian beneficiary 2121 te hi Geo-tag neih hnuah a rang thei ang bera Sensitization Programne neihpui leh tum a ni. District dang leh Census Town ah te pawh Sensitization Programme hi a rang lama neihpui a, in sak tanpuina hi sem chhuah zel tur a ruahmanna siam a ni.

Attachment

  • Loading attachment...