Vawiin khan I&PR Conference Hall-ah Pi Esther Lalruatkimi, IRS, Secy Industries Department kaihhruaiin Prime Minister’s Employment Generation Programme (PMEGP) Quarterly Banker’s Committee Meeting neih a ni.

He meeting-ah hian kum 2013-2014 chhunga PMEGP hnuaia Official te leh Bank lam te hmalak tawh dan, harsatna awm te leh hmalak mekna te sawiho a ni a. Heng bakah hian kum kal mek atana Margin Money hmuh belh te hman zui dan tur sawiho a ni. Bank manager te pawh hma la thuai thuai tura ngen niin, PMEGP inkaihhruaina zawm chung zela a hlawhtlin ngei theihnan beneficiaries te chunga ngaihnathiamna zau zawk nei tura ngen an ni bawk.

He meeting-ah hian KVI Board CEO, KVIC Asst Director, General Manager DIC, Dy, Director Industries Dept. te leh Mizorama bank hrang hrang aiawh te an tel a ni.