21 October, 1959 khan Ladakh a Police Post China sipai ten an rawn la a. Police mi leh sa mi 9 (pakua) an kaphlum a. He ni hi  ram taka nunna pe Police te hriatreng nan ‘Commemoration Day’ ah India sorkar chuan rampum puiah kumtina hman turin a rel a. Hemi ni zing dar 8 ah hian India ram State Capital leh District Headquarters-ah te Commemoration Day Parade neih a ni thin a, India rampuma Police duty laia thi te hming chhiarchhuakin anmahni hriatrengna leh sunna urhsun taka hman a ni thin.

 

 

India ram state hrang hrangah ni 1.9.2008 atanga 31.8.2009 chhunga thite an vaiin mi 833 an ni a. Mizoram Police bik chu mi 5 an ni, chungte chu :
    
1.    Sub Inspector        Lalrindika            1-IR Bn.
2.    Constable No. 366    David Rualthankhuma    1-IR Bn.
3.    Constable No. 48        H. Lalremthanga        1-IR Bn.
4.    Constable No. 73        Lawmtluangzela        2-IR Bn.
5.    Constable No. 803    B. Lalchunglura        1-IR Bn. te an ni.

Mizoram ah pawh tukin zing dar 8 khan Aizawl leh District Hqrs. ah te Commemoration Day Parade hi neih a ni a. Aizawlah chuan parade hi 1st Bn. MAP Field, Armed Vengah DGP Mizoram Pu Lalrokhuma Pachuau hova hman a ni a. Pu L. Hrangnawna, IPS DIG (Southern Range) in ni 1.9.2008 atanga 31.8.2009 chhunga India rama Police mi 833 duty laia nunna chante hming chhiarchhuakin urhsun taka Police Parade, Police thite sun nan neih a ni.

Hemi hnu hian Mizoram Police duty laia hmelma kut tuara thite hriatrengna ‘Martar Thlan’ 1st Bn. MAP Hqrs. a siamah DGP leh Police officer dangten pangpar an dah nghal bawk.