Nimin dt.12/11/2018 (Monday) khan Pu Sangakal Veeresh Prabhu, IPS, Police Observer for Lunglei District chuan SP Conference Hall ah Lunglei District Police Officer te a ko khawm a, MLA General Elections 2018 lo thleng tur chungchangah meeting a neihpui. He meeting ah hian Pu C. Lalthanmawia, MPS SP Lunglei, Pu Lalchhuanthanga, MPS Addl SP Lunglei leh Lunglei District chhunga SDPO leh OC zawngzawng te an kal khawm.

Police Observer Pu SV Prabhu, IPS chuan tun MLA General Election, 2018 lo thleng tura SP Lunglei leh a ho ten hma an lo lak tawh chu a enpui a, tha a tiin a lung a awi hle a, Police Officer kal khawm te hnenah chuan dan lova Zu zuar/lei leh Habitual Offender te lakah hma la zel turin a chahin, Arms (Silai) la deposit lo te pawh felfai taka chhinchhiah a dan anga hma la turin a chah bawk ani. Lunglei District a Election felfai leh muanawm tak neih a nih theihnan Pu SV Prabhu chuan kan Lunglei Police te chu tha taka duty tura hrilhin duhsakna a hlan bawk ani.

Pu SV Prabhu hi Lunglei District chhunga Police Duty Post te leh Polling Station hranghrang te tlawhkual a endik turin a zin chhuak mek ani.