Ni 09.07.2016 zing dar 8:30 bawr vel khan Lalrindika S/o Vanlalchhunga of West Lungdar chu Central Jail atangin a tlan chhuak a, amah hi West Lungdar a Ni 31.01.2016 zan a tualthah thubuai a neih avanga Central Jail a tang lai a ni. Lalrindika hi kum 26, 5.5 ft a sang, ngo lampang niin, a ban vei lamah Tattoo neiin a mit hmul vei lampang chungah ser a awm bawk a ni. Central Jail atanga a tlan chhuah thu-ah hian Vaivakawn P.S-ah thubuai dang ziah luh belh a ni.

He tang tlan chhuak hi man anih leh theih nan Police ten theihtawp chhuahin beihpui an thlak mek a, mitin-te fimkhur tur leh man a nih leh theihna tur a Police-te tanpui turin mipui kan ngen a ni. A awmna chin hria emaw lo hmu chuan, a rang thei ang berin Police Station hnai ber-ah emaw, VC hnaiber hnenah report vat turin kan in ngen a ni.