Addl. SP, Aizawl chuan a hnuai ami ang hian Krismas leh Kumthar hunpui lo thleng tur atan a mipuite an him zawk nan Mizoram Police-te hmalakna hrang hrang a tarlang.

1 Halpuah leh Halmawi sorkar in a khap chu, kenkawh turin hma lak tan ania, uluk takin a lalut tu, zuar tu leh kawl tu-te manchhuak turin inpuahchah mek a ni. Mipui him tlan zawk nan, Police hmalakna thlawp turin mipuite a ngen a ni.

2 Aizawl khawchhung Police Station te chuan an area chhung atang a passenger phur motor, a bikin Sumo leh bus-te driver ten rui chunga an passenget-te an phur loh nan, Breath analyzer nen checking an nei thin a, hei hi hunbi bik awmlo in, tih chhunzawm zel pawh tum a ni. Hetih rual hian Aizawl pawn police station hrang hrang te paw’n driver te check hna an thawk ve bawk. Passenger phur driver-te an zu rui man an nih chuan, hrem ngei an nih dawn avangin, mipui him zawk na atan rui chunga passenger la lo turin driver an ngen a, tin mahni chuanna motor driver-ten rui chunga motor an khalh chuan Police station hnai berah report turin an ngen bawk a ni. Driver man avanga motor kawng khaihlak a awm pawhin mipuite him zawk na tur a ni tih hria in, mipuite chu Police-te hmalakna thlawp turin an ngen bawk a ni.

Mizoram police-te chuan Supreme thupek angin, FIR register-te copy chu vawiin atang hian Mizoram Police website www.police.mizoram.gov.in ah mipui hmuh theih turin an upload tan tih an tarlang bawk e.