Vawiin khan Government GM Higher Secondary School, Champhai Vengsangah kumin Lok Sabha inthlanpui huna duty tur Polling Officer ruatte pualin training thawhhnihna buatsaih a ni a, vawiin training-ah hian Polling Officer tura ruat mi  320 te an duty-na tur assembly constituency ang zela thendarhte hnenah  Master Trainers 5 ten zirtirna hrang hrang an pe a ni.

Training hi hmun ngaah inthenin Form pawimawh hrang hrang dahkhat dan leh inthlan kaihhnawih hriat turte zirtir an ni a.  Vote thlakna khawl EVM/VVPAT nihphung leh hmandante a taka entirna tihchhinna neih a ni bawk. Training hi Pu K.Lalhmuakliana, DUDO Champhai uapna hnuaia neih a ni.

Trainees-te pualin vawiin hian inthlan huna Vote an thlak theihna tur Election Duty Card leh Aizawl West I  By-election atan Postal Ballot dilna siam chhhunzawm leh a ni a, tun thlengin EDC diltu 775 leh Postal Ballot diltu 5 an awm tawh a ni.