MP inthlan 2019 buaipuitu tur Polling Officiate chuan training ngawrh takin an nei mek a. Vawiin hian Presiding Officer te leh Asst.

Presiding Officer ten Govt. Higher Secondary School, Serchhipah training an nei a. Naktuk hian Polling Officer ten training an nei ve le hang.

Trainingah hian Master Trainer 5:

1.    Pi Pinky Zosangpuii, SDO(C), Thenzawl

2.    Pi C. Lalduhzuali, Settlement Officer, Serchhip

3.    Pi Dorothy Muansangi, SDO(C), N. Vanlaiphai

4.    Pu Ngurthansanga, SDC, Serchhip

5.    Pu Lalhruaitluanga, DLAO, Serchhip ten zirtirna an pe a.

An hnathawh tur leh hriattur tul hrang hrangte chipchiar takin an zirtir a ni.

Serchhip District chhungah hian inthlan buaipuitu (Polling Personnel) atan mi 420 ruatchhuah an ni a, ni 8.4.2019 ah hian training hnuhnung ber neih tura ruahman lawk a ni. Serchhip District ah hian Polling Station 77 a awm a, chung zinga 8 chu hmeichhe hlang duty-na tur ‘Dingdi’ Polling Station tur a ni.