Silai neituten an tung vek tur a ni tih thupek District Magistrate in a lo tihchhuah tawh chungchangah thupek zawm lo engemawzat an la awma hriat a nih avangin a hnuai a mi ang hian District Magistrate chuan thupek a chhuah nawn:
DC Office Serchhip lehkha No. J. 12017/2//2017-DC (SRCP) Dt 14.3.2019 hmanga District Magistrate in silai nei zawng zawngin an silaite an tung tur a ni tih order a chhuah chu tun thlenga thupek zawm lova silai la tung lo mi engemawzat an awm tih hriat a ni a.
Chuvangin kei Sangchhin Chinzah MCS, District Magistrate, Serchhip District hian Section 144 (5) CrPC in thuneihna min pek angin a chunga sawi order chhunzawmna atan a hnuaia thupek hi ka chhuah e.
“Serchhip District chhunga silai la tung lo zawng zawng ten he lehkha tihchhuah atanga Ni 5 chhungin an mahni awmna hnaih ber Police Station/Outpost ah an silaite an tung tur a ni.”
He thupek zawmlote chu dan angin an chungah action lak a ni ang. He thupek hian dan leh thupek kengkawhtute leh sawrkar-in exemption a pekte a huam lovang.
