Mizoram General Election 2018 Serchhip District Constituency pathum a duty tur Polling Party ten vawiin hian an duty na hmun tur Polling Station panin Serchhip District Election Office an chhuahsan.

Assembly Constituency pathumah hian Polling Station 77 awmin, 26th Serchhipah Polling Station-23, 27th Tuikumah Polling Station-29 leh 28th Hrangturzoah 25 a awm a. 26th Serchhipah Electoral Roll thar bera alan danin Voters 18012 an awm a, 27th Tuikumah-15461 awmin, 28th Hrangturzoah-15507 an awm a, an vaiin voters 48970 an awm a ni. Tin, Service Voters 313 an awm bawk. Election duty turte hian, Postal Ballot hmangin Vote an lo thlak tawh a, Polling Party te hian District Election Office an chhuahsan hma hian a mamawh bikte tan Medical Duty ten an hriselna an endik sak   bawk a ni.

Serchhip District chhunga Candidate zawng zawng hi an vaiin mi 19 anni a, 26th Serchhipah candidate 7, 27th Tuikum leh 28th Hrangturzoah candidate 6 ve ve an awm a ni.

Vawiin a Polling Party kalchhuakte hian tluang takin an duty hmun tur Polling Station theuh an thleng hlawm ni a hriat ani.