Vawiin chhun dar 11:30 khan KVK Lunglei District, Hnahthial chuan Pradhan Mantri Fasal Bima Yojana Awareness Campaign cum Farmers Fair, KVK Auditorium, Hnahthial-a buatsaih chu Pu Lal Thanzara, Health Minister chuan  a hmanpui.

Tunlai khawvel hun lo in her danglam zelah hian kuthnathawktute pawhin kawng hrang hrangah hmasawnna rahbi rah chhoh ve mek zel a ni a, chutihrual chuan harsatna kawng hrang hrang - khuarel chhiatna ang te pawhinkanbuh leh balte leh ran te pawh nasa takin min suat sak thin. Kuthnathawktu tam tak te chu heng hun tawng mek avang hian beidawngin an awm thin. Sawrkar chuan heng hi hria in kuthnathawkten lei rem an raha hma an  sawn theihna turin ruahmarna fel tak siamin hma a la chho mek zel a, vawiinah pawh hian chung atana sawrkar hmalakna pakhat kuthnathawktuten khuarel chhiatna lo thleng tawh palh pawha beidawnga indawm kun mai lohna tur leh hma lak chhunzawm zel theihna turin ruahmanna tha Prime Minister Fasal Bima Yojana (PMFBY) chu siamchhuah a nih thu a sawi a. He scheme hnuaiah hian  buh leh bal ten harsatna a lo tawk palh anih pawhin “zangnadawmna” an dawng thei dawn a ni a ti a.  KVK Lunglei District Hnahthial hmalakna tarlangin kuthnathawktuten harsatna sutkian nan leh thiamna tha zawk an neih theihna tura din a nih thu a sawi.

KVK Lunglei District nena tangkawp hian  sorkar chuan kuthnathawktute hamthatna turin hma nasa takin a la mek zel a,  kuthnathawktu te hian kan mithiam te finna leh thiamna chhawr tangkai chu an mawhphurhna a ni tih  hre thar tura fuihin Pu Lal Thanzara chuan Mizorama District dangin an la neih loh Hnahthial district chauhin a neih bik, thalai Kuthnathawktute Chawikanna turin Sorkar chuan KVK Lunglei kaltlang hian Project/Scheme  ‘ARYA’ (Attracting and Retaining Youth in Agriculture) chu kumin atang hian a kalpui dawn thu leh NLUP chungchang sawiin kuthnathawktuten an thil tharchhuahte a thlawn mai lohna turin kuthnathawktute hamthatna tura sorkar ruahmanna “Pradan Mantri Fasal Bima Yojan:Awareness Campaign leh Farmers Fair” chu a hawng a ni.