No.7159/2020-2021

Vawiin Labour, Employment, Skill Development & Entrepreneurship Department Special Secretary Dr. Lalzirmawia Chhangte hovin LESDE Department Office, MINECO-ah 'PMKVY 3.0' tlangzarhna neih a ni.

Pradhan Mantri Kaushal Vikas Yojana (PMKVY) hi Ministry of Skill Development and Entrepreneurship, Govt. of India flagship program a ni a. He scheme hmang hian industry hrang hrangten an mamawh skill (thiamna) ah thalaite training tir niin, thalai tam takin he scheme hmang hian hna an lo hmu tawh a ni.

Pradhan Mantri Kaushal Vikas Yojana 1.0 (2015-2016) chu 2015 khan tan a ni a. PMKVY 1.0 hmang hian kum khat chhungin thalai nuai 19.85 vel skill training pek an ni. PMKVY 1.0 hi Ministry of Skill Development and Entrepreneurship, Govt. of India hnuaia NSDC (National Skill Development Corporation) hmalakna a ni. Tichuan PMKVY 1.0 hi a hlawhtlin em avangin PMKVY 2.0 chu kum 2016-2020 chhunga thalai tam zawk training pek nan ni 15.7.2016 khan tan a ni a, ni 31.3.2020 a zo tura ruahman a ni. PMKVY 2.0 hi chu Central leh State sawrkar hma lakna a ni a, 75% hi central kuatah a awm laiin 25% chu state kutah a awm a, he scheme hmang hian thalai nuai 94.17 vel (ni 20.6.2020 thleng khan) training tir an ni. Heng nuai 94.17 zingah hian Mizoram sawrkar hnuaia LESDE Department-in Mizoram thalai a training tir zat chu 8460 a ni a.  Heng zinga hna hmu zat chu 5388 an ni. PMKVY 2.0 hi ni 31.3.2020 a tawp tur a ni a. Hemi scheme hnuaia training chhuakte chu National Trade Certificate pek an ni a, he certificate hmang hian India ram hmun hran hranah Mizoram thalaiten hna chi hrang hrang an thawk mek a ni. Amaherawhchu Covid 19 hripui vanga mahni hna thawk chhunzawm thei lote (Migrant Workmen) pualin kumkhat pawhsei (extend) a ni.

 PMKVY 2.0 hnuaia thalaite skill training chungchanga hmalakna chu chak leh zuala chhunzawm a nih theih nan PMKVY 3.0 chu ruahman a ni. Phase hniha kalpui tur a ni a, phase khatna chu 2020-2021 chhunga kalpui tur niin phase hnihna chu 2021-2026 chhunga hmalak tur a ni, PMKVY 2.0 zulzuiin central sawrkarin-in 75%  a chang ang a; state sawrkarin 25% a chang thung ang. PMKVY 3.0 danglamna chu Ditrict Skill Committee(DSC) rawtnate a pawimawh dawn a, a theih chin chinah DSC- in rawtna a siam angin kalpui tur a ni. PMKVY Scheme hi CSS ah chuan 100% central funding a ni a. Labour, Employment, Skill Development & Entrepreneurship Department chuan theihtawp chhuaha hman tangkai a tum a. Tunah hian PMKVY Scheme-ah hian Mizoram hi mipui tam lama tehin India ram State ti tha ber pawl nihna an la hauh a ni. 

LESDE Directorate chuan District State Committee-te nena chak taka hma la turin a inbuatsaih mek a, India ram pumah titha ber nihna hauh tumin chak taka hma la turin a inbuatsaih dawn a ni.