2656/2025-2026
Aizawl the 15th December, 2025 : P&E Department chuan energy meter te Prepaid Smart Meter a thlak hna a kalpui mek a. Hemi chungchangah hian mipui te hriattur a hnuai a mi te hi kan inhriattir e:-
- Smart Meter hi Aizawl khawpui chhungah vuah hmasak a ni a, District khawpui dang leh zokhaw lamah te vuah chhunzawm tur a ruahman a ni.
- Smart Meter vuah tawh te hi tun dinhmunah chuan Postpaid hmanga bill siam phawt tur a ruahman a ni a, prepaid-a bill siam a nih dawn hunah chuan mipuite hriattirna tih chhuah leh a ni ang.
- Smart Meter vuah tawh te hi postpaid-a bill siam ni rih mahse prepaid-a bill siam theih tura lo inpuahchah lawk a ngai a, lo inpuahchah nan billing period siamrem (pawh fan) a ngai dawn a ni. Hetiang a billing period siamrem hi siamrem thia (month) vawikhat bak thia dang ah chhunzawm a ni lovang.
- Hetiang a billing period siam rem thia hian billing period a rei deuh bik dawn a, chuvang chuan Smart meter vuah tawh Consumer ten electric kan chhit zat (unit) pawh a kal tam deuh bik tura ngaih a ni bawk a, electric bill pawh a tam phah deuhin a rinawm, nimahsela Slab tina unit awm thei zat te chu chawhrual a nih tho dawn avangin thlabi-a electric bill (Ni 30 hisapa electric bill) chu a san phah chuang lovang a, tin, electric chhit man (slab-rate) pawh a ngai reng a ni dawn a ni.
- Hetiang Pre-paid Smart meter hmang tura in puahchahna avanga mipui hriattir ngai te hi kan inhriattir lawk a, Billing period siam rem hun tur erawh mumal takin hriattirna tih chhuah leh a la ni ang.
