Vawiin Dt 27th March 2014 chhun dar 11:30 hian LAD Conference Hall, Mamit-ah MP Election (Lok Sabha) inthlanna tur atan Presiding Officer leh Asst Presiding Officer tan training buatsaih a ni a, Pu Malsawmtluanga Election Officer leh Pu K. Lalhmingliana Project Director DRDA ten an kaihruai a ni. He training-ah hian dan leh hrai zawm tur leh tih loh turte, Form fill up dan te, EVM hman dan leh VVPAT hman dan te bakah ED&PB chungchang zirtirna neih niin Pu Malsawmtluanga Election Officer, Pi Marilyn Rualzakhumthangi SDC Pu T. Vanlalmalsawmsanga SDO(Sadar) Pu K. Zorammuana SDC leh Pu Victor Lalawmpuia SDC ten zirtirna hi an pe a ni.

Vawiin vek hian Assistant Presiding Officer te ten DC’s Conference Hall Mamit-ah Pu R.S Lalzamliana District Election Officer (DEO) leh Pu T. Vanlalmalsawmsanga SDO(Sadar) kaihruaina hnuaiah MP inthlan lo awm tur atana APO te mawhphurhna hrang hrang zirtirna hun buatsaih a ni bawk a.

He training-ah hian Pu Malsawmtluanga Election Officer leh Pu T. Vanlalmalsawmsanga SDO (sadar) leh SDC te’n zirtirna hi an pe a ni.

He training buatsaihah hian PO leh APO a ruat mi 140 ve ve an tel a ni.

Mamit District-ah hian Polling Station 110 a awm a ni.