Pu K. Lalrinliana, Hon’ble Minister, Local Administration Department Government of Mizoram chuan Ni 21.01.2020 (Thawhlehni) hian Directorate of Local Administration Office atangin Mizoram chhunga Village Council 25 te hnenah Rashtriya Gram Swaraj Abhiyan (RGSA) Scheme hnuaiah Desktop Computer Set pakhat theuh a pe a. Pu Rodney L.Ralte, Secretary to the Government of Mizoram, LAD chuan he programme hi a telpui bawk a ni. Heng Computer Set te hi VC ten tunlai computer thiamna mil zela chak zawk leh awmze nei zawka mipui rawng an bawl nan a an hman tur a ni.

Rashtriya Gram Swaraj Abhiyan (RGSA) hi kawng hrang hranga Village Council te tihchakna tur Scheme niin RGSA State Nodal Department chu Local Administration Department (LAD) a ni a. LAD chuan VC zawng zawng ten Desktop Computer Set an neih vek theih nan theihtawpin hma a la mek zel a ni.