1765/2022-2023
Aizawl 31st Auigust 2022: Eizawnna atana media / chanchinbu hmang lo leh Press mi ni loten PRESS I.D. leh PRESS Sticker insiamchawpin an hmang thin tih hriat a ni a. Hemi chungchang ngaihtuah hian vawiin khan Commissioner & Secretary, Home Department Pu H. Lalengmawia hovin a pisaah meeting neih a ni.

He meeting-ah hian PRESS I.D. leh PRESS Sticker lem hmanga Press dikna leh chanvote diklo taka lo hmang thin an awm tih sawilan a ni a. Hei hi sorkarin a ngai thu tak hle a. Hetiang thil hi a awm zui zel loh nan vawiina meeting chuan ruahmanna siamin, hemi kawnga mawhphurtu hrang hrangte chu hma lak dan tur hriattir nghal a ni.

Vawiina meeting-ah hian DIG (CID), Deputy Commissioner, Aizawl District, Director, Information & Public Relations, Superintendent of Police, Aizawl District, Superintendent of Police (Traffic), MJA Office Bearer-te leh a kaihhnawih officials te an tel a ni.