September ni 21,2019 (inrinni) tlai khan Ek Bharat Shreshtha Bharat Closing Function chu Sports and Youth Services Department buaitsaihin  Hawla Auditorium ah neih ani a. Hetah hian Pu Robert Romawia Royte, Hon’ble Minister, Sports and Youth Services, chuan Chief Guest niin ahmanpui a. He programme hi Honble Prime Minister in Dt 31st October 2015 a , Sardar Valabhbhai Patel kum 140 birthday naah a puan ani a, hetah hian state hrang hrang te chu partner ah in siam in cultural thil te in share tawn tura tih an ni a. He programme ah pawh hian Tripura leh Bihar chu Mizoram partner tura tih an ni. Mizoram Team hian nikum khan Tripura hi an tlawh tawh a, ti chuan Tripura Team te pawhin an rawn tlawh ve ta ani.
   
Pu Robert Romawia Royte chuan Tripura team ten atha zawng a Mizoram an hriatreng tawh dawn avangin a lawmawm a, Tripura nen a inlaichinna tha tak kan neihna ani ngei dawn ani ati a. Tripura Government chungah pawh Tripura Team te an rawn kal tir avangin lawmthu asawi a. Mizoram hi tunah chuan Remna leh muanna nghet ber neitu kan ni a,chuvang chuan Mizo Mipui zawng zawng te pawh Remna leh muanna kengtu ni vek turin a sawm bawk a. Tripura team te hnenah hian Mizoram chu tlangmawi tak tak awmkhawmna, hmun nuam thengthaw tak tak awmna anih thu hi an nu leh pa te lo hrilh a, kan hma lawka Zokutpui leh Anthurium Festival lo awm turah atam thei ang ber lo kal turin asawm bakah heihi Mizo te ta anih angin Mizo mipui zawng zawng sawm anni ati bawk a ni.
   
Tripura team te hi ni 17th September 2019 khan anlo thlenga, anlo thlen zan hian Beraw tlang Tourist resort ah cultural programme hmanpui niin, Reiekah Cultural programme hman leh ni bawkin Reiek tlang, Vangtawng khawhthla, Tui Rihiau, leh Hmuifang tlang te tlawhpui anniin nuam an ti hle ani.
   
Closing Funtion ah hian Mipui 300 vel zet an kal khawm a, he hunah hian Tripura team leader Miss Elizabeth Kalai, Information Officer, Government of Tripura chuan lawmthu sawiin, Mizoram nuam an tih thu te Tlang nuam tak tak hmuhnawm antih thu te, Mizo mipui te rilru thatna te chu an hriatreng tur anih thu a sawi a. He hun ah hian Pu Zothanmawia, Director, Sports and Youth Services, Department chuan lawmthu asawi bawk ani.