Vawiin chawhma dar 9:30am khan Krishi Vigyan Kendra (KVK), Siaha leh E-Governance, Siaha District te tangkawp buatsaihin NSV studio-ah Prime Minister in Live telecast-a  lo neitute hnena thuchah leh  an inbiakna chu big screen-a thlirho a ni. He hunah hian Siaha a lo neitu mi 100 chuang an tel a ni.

 He hunah hian KVK lam atangin Pi S. Sisi scientist (Horti) leh Pi Rachael Chozah scientist (Plant Protection) te bakah E-Governance, Common Service Centre (CSC) atangin VT. Lawmsanga District Manager ten lo neitute tana tangkai thil chi hrang hrang leh centre sawrkar atanga lo neitute tana hamthatna tam tak awm theite lo neitu kal khawmte hnenah an sawi a. Lo neitu ten an hlawkpui hle ti an sawi.

Khawvel huapah pawh Prime Minister ten lo neitute nena live telecast-a an inbiakna hi a awm ngai lo a ni. Hei hian agriculture lam  Kan Prime Minister Pu Narendra Modi-an a ngaih pawimawhzia a tilang chiang hle a ni.