4171/2024-2025

Saitual, the 10th February, 2025: Prime Minister Narendra Modi hova awmze nei zawka exam hmachhawn tura pawimawhte sawia titi hona, 'Pariksha Pe Charcha (PPC)' tum 8-na, Sunder Nursery, Delhi-a neih chu Saitual Middle School-I, Saitual Venglaiah, District Bawrhsap Dr. Lalngura Tlau hoin zirlai naupangte chuan online-in an chhim.

He programme hi exam hmachhawn mai tur zirlaite bakah nu leh pa leh zirtirtute tana ruahman niin, kumin hi a tum 8-na a ni. He hunah hian mi vaibelchhe 5 chuang tela chhut niin an tam ber tum a ni. Saitual District-a zirlai naupangte, zirtirtute leh School Education official-te pawhin he hun hi online-in an chhim a. Programme a zawh hnu hian Pu Micky R. Lalenkawla, DEO chuan zirlaite chu a kawm a, exam hmachhawn kawnga zirlaite hriat tur pawimawhte a hrilh a ni.