Ni 9th May 2015 khan India Prime Minister chuan Scheme thar pahnih - ‘Pradhan Mantri Suraksha Bima Yojana (PMSBY) for Accidental Insurance’ leh ‘Pradham Mantri Jeevan Jyoti Bima Yojana (PMJJBY) for Life Insurance’ a hawng a. Deputy Commissioner, Lunglei District chuan nimin ni 11.5.2015 khan heng Scheme thar pahnih chungchang hetiang hian mipuite tan hriattirna a chhuah a ni :

1. Kum 18-50 inkar mi tupawh Savings Bank Account nei tan kum khatah Rs.330/- pein Life Insurance Rs.2,00,000/- a lak theih;

2. Kum 18-70 inkar mi tupawh Savings Bank Account nei tan kum khatah Rs.12/- chauh pein Accident-a thih palh pawhin Insurance Rs.2,00,000/- a neih theih bawk.

Heng Insurance Scheme tharte hi kum bithliah chhunga mite chuan engtiklai pawhin zawm theih a ni a, hrechiang leh zawtfiah duh tan mahni account neihna bank-ah zawhfiah theih reng a ni.