2983/2023-2024

2023 Pawltlak thla ni 9: Vawiin khan Prime Minister Pu Narendra Modi chuan India ram chhunga Viksit Bharat Sankalp Yatra (VBSY) beneficiary-te chu biak-hmuh-theihna (video conference) hmangin hun a hmanpui a. Ram chhung hmun hrang hrang aṭangin official-te leh beneficiary-te'n he hun hi chhimin, Mizoram aṭang pawhin Agriculture Department hotute, department hrang hrang ai awhte leh Krishi Vigyan Kendra (KVK), Kolasib te'n an chhim a ni.

VBSY programme hi chhun dar 12:30-ah ṭan niin, Union Minister of Information & Broadcasting and Youth Affairs & Sports Pu Anurag Thakur chuan inlawmna thu a sawi a. VBSY chungchang lemchan tawi (short film) buatsaih, "Meri Kahani, Meri Zubani" tih chu thlir ho niin, Karnataka, Chandigarh, J&K, Bihar leh Gujarat aṭanga VBSY beneficiary thlan chhuah mi 5 te chu Prime Minister Pu Narendra Modi chuan hmaihmaa inbiakna hun a hmanpui a. Hemi hnu hian PM Pu Narendra Modi chuan thu a sawi nghal a ni.

He hun hi ram chhung hmun hrang hrang aṭangin VBSY vans aṭang te, KVK thlan bikte leh Common Service Centre hrang hrang aṭang te'n Union Minister te, Member of Parliament te, Member of Legislative Assembly te leh department hrang hrang hotute bakah, tualchhunga mi challang tak takte'n an chhim a. Mizoram aṭanga he hun chhim tur hian ATARI Zone-VII hnuaiah KVK Kolasib District chu thlan chhuah a ni a. Dr A.K. Mohanty, Zonal Director, ATARI Zone-VII leh Pu VL Thlamuana, Director, Department of Agriculture, Mizoram te bakah, Kolasib-a department hrang hrang ai awhte leh lo neitu thlan bikte, KVK Kolasib-a Senior Scientist & Head Dr Michelle C. Lallawmkimi leh staff-te'n he hun hi biak-hmuh-theihna hmangin an chhim bawk a ni.

Viksit Bharat Sankalp Yatra hian a tum ber chu sawrkar flagship scheme hrang hrang - Natural Farming, Soil Health Cards, etc.-te a hun chhungin a dawngtu tur dik takin a scheme an dawngin, a takin an kalpui ngei a ni tih hriatpui a ni.