Tukin dar 9:00 khan Principal Secretary leh Chief Secretary charge la mek tu Pi Renu Sharma, IAS ho in Lunglei Circuit House Conference Hall-ah Police, Law Department, Lunglei DC leh PWD hotute an thukhawm a. September ni 22, 2016-a Lunglei District Court leh a chhehvel a thil thleng chungchanga hmalakna te an thlir ho.

Pi Renu Sharma chuan Lunglei District-a dan leh hrai fel tak hnuaia nunphung pangngai a awm leh thei ta chu lawmawm a tih thu a sawi a, sawrkar hna a khaihlak loh nan, leave leh duty a kal tur te chuan, a hma lama tifel thin tura a duh thu a sawi a. Magisterial Inquiry chu zawh fel niin, report pawh thehluh beisei thuai a nih thu a sawi. Lunglei District Court leh Judicial Quarter te police ten venhimna tha zawk an pe thei chu lawmawm a ti a, heng building thawm that chungchanga PWD te hnathawh chu a fak hle bawk a ni. Mimal bungraw tihchhiat awmte chu DC kaihhruaina hnuaiah en fel a, a tul anga hma lak leh bawhzui nise a ti a. Hetianga boruak muanawm loh a thlen nawn loh nan, DC leh SP te mipui nena thawh hona tha nei tura a duh thu a sawi a ni.

Meeting-ah hian October ni 5, 2016-a Lungleia Gauhati High Court Chief Justice kal tur hmuah dan tur leh lo inpuahchah dan tur an sawiho bawk a ni.