3796/2023-2024

Dated Saitual the 13th February 2024 : Vawiin khan Prof. Lalnilawma, Minister of State, PHE, RD & Horticulture chuan Saitual a tlawh a, PHE, Saitual District Hospital, DRO leh Horticulture Office te Chawhma lama a tlawh zawh hnu in Saitual a Head of Office hrang hrangte nen DC Conference Room Saitual ah inkawmhona an nei a ni.

Head of Office te nen a inkawmhona ahhian PHE Minister, Prof. Lalnilawma chuan a bial chhung tlawh chu a ngaih pawimawh hmasak ni mahse tul zual neuh neuh te a awm avangin a duh angin a tlawh hma theih loh thu a sawi a, vawiin a inkawmhona an nei thei chu a lawmawm takzet a ni, a ti.

Minister chuan Department hotuten an mamawh hrang hrang an sawi te chu ngaithla in an mamawh te chu pawimawh tak tak ni mahse tun dinhmun ah, Year of Consolidation a nih ang takin a vaia tih hlawhtlin nghal rum rum a remchan loh avangin a tahtawl te te a lo bawhzui a tum thu a sawi a. Saitual DC, Dr Lalngura Tlau hmalakna hnuaiah JNV te pawh tha taka a function thei ta chu lawmawm a tih thu a sawi bawk. Saitual District a a ngaih pawimawh zual te pawh sawiin, Saitual Town Master plan bawhzui chu a ngai pawimawh hle a ni, a ti a, tin Department thenkhat, Saitual tan a pawimawh tak tak tur, District Transport Office te, Revenue office te, BDO office te chu Saitual in a mamawh takzet a ni, a ti a, heng Department te leh Department dang te pawh Saitual in an neih theih nan theihtawp a chhuah tur thu a sawi bawk.

Prof. Lalnilawma chuan Saitual ah Department hrang hrang ten hmalakna hlawhtling tak tak an hmu chho chu lawmawm a tih thu sawiin chung zingah chuan hun rei tak atanga an lo buaipui tawh Saitual PHE tuilakna chu full capacity in pump a ni thei tawh chu a lawmawm takzet a ni, a ti.

Dr Lalngura Tlau, Saitual Bawrhsap pawhin Minister in a bial chhung a tlawh chu a lawmawm a tih thu sawiin hun reilo te chhungin Minister kaihhruaina hnuaiah Saitual pawhin hmalam a pan chho zel a ni, a ti.

Minister of State, Prof. Lalnilawma hian Head of Office te kawmna a neih zawhhian khawtlang hruaitute leh tlawmngai pawl, NGO hruaitute kawmna hun a nei nghal a, NGO leh VC aiawhte hian Minister hnenah an mamawh te an thlen nghal bawk a ni.