3797/2023-2024

Dated Siaha 13th February 2024 : Vawiin chawhma dar 11 khan Siaha District-a 'Chapchar Kut' 2024- hman dan tur sawihona DC Mini Conference Room-ah neih a ni a, Pi Lalnunmawii, Addl.DC chuan thutkhawm hi a kaihruai.

Pi Lalnunmawii chuan 'Chapchar Kut' chu Mizorama 'Kut' lian leh pawimawh ber pakhat a nih angin hlim leh lawm taka hman a tul hle a ti a. Siaha khawpuia hnam leh chi peng hrang hrang awmte tana inlungrualna leh in unauna tha tak thlentu a nih ngei a beisei tih tarlangin, mipuiten ngaihpawimawh a, he ni lawm tura thahnem ngai taka thawkchhuak turin a sawm a. Prof. Chawngkhuma, Chawngthu chuan kum hmasa lama Chapchar Kut hman a nih dan tlangpui tarlanna a nei nghal bawk.

Thutkhawm ah hian thu pawimawh tak tak sawi leh relho a ni a. Kumin Chapchar Kut hmanna atan hian District Mualpui, Siaha Vaihpi thlan niin, Kut Pa atan Pu M. Laikaw, CEM, MADC ruat niin Kut thlengtu tur atan Pu Lalhmunsanga Hnamte, District Bawrhsap ruat a ni bawk. Hnam incheina ( costume parade) entir turin MUP, MCHP, MHIP, LWA, MGYA- te ruat niin Hnam lam entir turin- MTP, YMA, YLA, MGYA - te chu beisei an ni a, Pawnto entir turin school hrang hrang sawm nise an ti a. Kum danga lo tihtawh thin angin naupang kum 10 hnuialam leh puitling hnam inchei entir nise, Miss leh Mister Chapchar Kut thlan nise an ti bawk.

Chapchar Kut hmanna tur mualpui chei hna lo thawk turin Mizoram Home Guard - te ruat niin, PHE Department chu mipui tana tui in tur thianghlim lo buaipui tura beisei an ni a . Power lama hma lo la turin P & E Department, beisei niin venhimna lam chu Superintendent of Police-kutah dah a ni. Pavilion leh stage - chei turin Horticulture Department leh Florist Association - te ruat niin, CMO kutah first aid- dah a ni bawk.

Thutkhawmah hian Chapchar Kut Sub Committee -thlan nghal niin, hruaitute chu