Vawiin khan Project - HIMNA MADAT (Mizoram Against Drugs, Alcohol and Tobacco) hnuaiah programme pawimawh tak neih a ni a, Aizawl Civil Hospital leh Cancer Hospital, Zemabawkah te programme hman a ni. 

He programme ah hian Government Middle School Hunthar (15), Modern English School (11) leh DIET Practice School (11) atangin zirlai an vaiin mi 37 leh zirtirtute an kal khawm a, Civil Hospital ah hian - ENT, Medicine, Casualty leh Tobacco Cessation Clinic (TCC) te fan kual pui an ni. Hospital ward ah te hian vaihlo hman avanga natna tuar damlo te an tlawh a, TCC ah hian vaihlo hmang thin sim duh te counseling an pek thin dan te kawh hmuh an ni. 

Cancer Hospital, Zemabawk pawh fan pui an ni a, he hmunah hian vaihlo kaihnawih vang a cancer tuar mekte tlawh in, damlo te nena inkawmna hunte neih pui an ni.